Bizkaiko Txakolina Topalekuak, Bizkaiko txakolinaz gozatzeko tokiak dira, barrako pintxo proposamen interesgarriekin zein mahaian, gure gastronomia aberatsaren bikote izanik, Beti ere, gure ardoek merezi duten kalitate eta mimoarekin.
Álvaro, Irene eta Jose Mari, gure enbaxadore handien adibide dira. Gure ostalaritza baino hoberik ez dago Bizkaiko Txakolina zergatik aukeratu azaltzeko.
Baste Taberna: berezitasuna eta profesionaltasuna Getxon
Alvaro, Adrian eta Raul, Romoko Tudelilla Jatetxe klasikoaren semeak, Baste Tabernako nagusiak dira, proposamen benetan berezia. Sasoiko produktu ona, pintxoak, mokaduak eta kartaz kanpoko plater interesgarriak aurkitzeko lokal txikia. Mahastizain txikien ardoak, proiektu bereziak eta benetako bitxiak dituen azpimarratu beharreko bodega daukate, botilan zein kopatan eskeiniz. Egunero giro ederrean, ardo ona maite dutenentzat oasi bat da. Hemen, Bizkaiko Txakolinaren kopa bakoitza egunerokotasuna ospatzeko modu bat da: geratu, mokadu bat jan eta arratsaldea (edo gaua) pixka bat luzatu.
Gastronomia Bilbao: tokiko produktua eta txakolina, ardatz nagusi
Bilboko Gastronomiak ikasketa, denda eta plazera uztartzen ditu. La Salve zubiaren azpian kokatuta, erreferentziazko tokia da ardozaleentzat, nazioko eta nazioarteko erreferentziak dituen upategi zabala izanik. Bizkaiko Txakolina proiektuaren muinetariko bat da. “Funtsezkoa da lurra kopan eskaintzea”, dio Irenek, bertako sommelierrak. Ardo hauek sortzen dituzten eta euren lana benetan zaintzen duten mahastizain handien enbaxadore izatea dute helburu, betiko estilo gazte eta freskoenetatik hasi eta indarrez iristen ari diren proiektu berrietaraino.
La Roca: gure produktu lokalaren segurtasuna eta kalitatea
La Roca sasoiko sukaldaritzaren aldeko apustua da, barran zein mahaian, lehengaiaren eta zerbitzuaren kalitatea ikur daukatelarik. Jose Mari Aguirrek argi dauka: “txakolina produktu segurua da, kalitate estandar ikaragarriak ditu”. La Rocan upategi zabala dute, eta bertan Bizkaiko Txakolinaren ardoak inoiz ez dira falta. Bereziki, gertukoak diren eta sarri‑sarri elkarlanean aritzen diren ekoizleen alde egiten dute, badakitelako “benetan ona den” produktua eskaintzen ari direla.
¿Cuándo quedamos?
Bizkaiko Txakolina organiza un completo programa con diferentes planes en torno al Txakoli, la cultura y la naturaleza para disfrutar de Bizkaia a lo largo del año. Suscríbete a nuestro boletín y no te pierdas nada.
Suscribirme a la newsletter
