Talleri upategi sortu berria da, eta oso instalazio modernoak ditu. 2009. urtean sortu zen Txorierri eta Busturiako ardogileak ziren 16 kidek osatutako kooperatiba-elkarte moduan. Upategiak 1.300 m² ditu bi solairutan banatuta, eta 300.000 litro ekoizteko ahalmena dauka. Garapen eta ikerketarako mikroardogintzako gela dauka, bere produktuak hobetzeko. Elkargune horretan, hain zuzen ere, Bizkaiko txakolinaren tradizioak, enologiako korronte modernoenek eta ikerkuntzak bat egiten dute.
