Gure historia
Bizkaiko Txakolina Jatorrizko Deituraren Kontseilu Arautzailea atxikitako upeltegiek egindako ardoak babesteaz eta benetakoak direla zaintzeaz ardurantzen da. Bizkaia Euskal Autonomia Erkidegoko lurralde historikoa da.
Iberiar Penintsularen iparraldean kokatuta dago, Kantauri itsasoaren kostaldean. Industria eta hiri-garapen handiko eremua izanik ere, nekazaritza mantentzea eta bizirik irautea lortu du nekazari eta abeltzain talde baten ahaleginari esker; izan ere, nekazari eta abeltzain horiek tinko lan egin dute labore tradizionalei eusteko, birmoldatzeko eta laboreen kalitatea aitortzeko. Produktu berezi eta tradizional horietako bat ardoa izan eta da, Txakolina izenaz ezagutzen den ardoa.
Gure txakolinak iragan bikaina bizi izan zuen, presentzia sozial eta ekonomiko handiarekin. Hala ere, XIX. mendearen amaieran gainbehera motela gertatu zen, eta, horren ondorioz, oso bestelako egoera bizi izan zuen.
Laurogeiko hamarkadaren hasieran ardogile talde bat Bizkaiko Txakolingileen Elkartearen (BIALTXA) inguruan bildu zen, eta Euskal Administrazioaren laguntzarekin (Eusko Jaurlaritza eta Bizkaiko Foru Aldundia) ardo bikain eta berezi hori berreskuratzeari ekin zioten.
BIZKAIKO TXAKOLINA Jatorri Deiturak 1994 urtean lortu zuen onarpen ofiziala, eta, harrezkero, nortasun handiko ardo moderno baten oinarriak ezarri ditu. Jatorri-deiturak ardogile atxikiek ekoitzitako ardoaren benetakotasuna zaintzen du, eta, aldi berean, etiketatutako txakolin botilek elaborazio-prozesu guztian kalitate-baldintza zorrotzak betetzen diztuela bermatzen du, mahatsondoa landatzen denetik botilaratzen den arte.
Kideak
Deituraren Erregelamenduan Kontseilu Arautzailea eratzen da, Zuzenbide Publikoko Korporazio gisa, eta hari esleitzen zaizkio kontrol- eta sustapen-funtzioak.
Araubide juridikoari dagokionez, zuzenbide pribatuaren mende egongo da oro har, hargatik eragotzi gabe zuzenbide publikoak zuzenbide hori eratzeari, antolatzeari eta hauteskunde-prozedurari dagozkion egintzak arautzea, bai eta funtzio publikoak betetzea dakarten jarduerak administrazio-zuzenbideari lotzea ere.
Kontseilu Arautzailea honako hauek osatzen dute:
- Ekoizpen- eta elaborazio-sektoreek aukeratutako sei bokal.
- Lehendakaria eta lehendakariordea.
- Administrazioaren bi ordezkari (Eusko Jaurlaritza eta Bizkaiko Foru Aldundia)
Lehendakaria José Luís Gómez Querejeta
Lehendakariordea Unai Sulibarria Santibañez
Bokalak Aritza Antolinez, Miren Sorkunde Bikandi, Arkaitz Larrazabal, Ugaitz Iturbe, Garikoitz Ríos, y Bertol Izagirre.
Eusko Jaurlaritzaren ordezkaria Raúl Pérez Iratxeta (Elikagaien Kalitate eta Industriako zuzendaria).
Bizkaiko Foru Aldundiko ordezkaria Amaia Antxustegi Ziarda (Iraunkortasuna eta Ingurune Naturala Zaintzeko foru diputatua).
Egoitza
Kontseilu honen egoitza Leioako Mendibile Jauregian dago.
Mendibile Jauregia, Kontseilu Arautzaileari ostatu emateaz gain, aretoak alokatzen dituen lantokia da, eta kalitatezko eskaintza gastronomikoa eta txakolinen karta anitza dituen jatetxe bat du.
Vista exterior
Comedor
Parque Mendibile
Tienda txoko
