Mildiu Madarikatua vol.II
Forumaren bederatzigarren edizioak jarraipena eman zion 2024an mahastiaren arazo larri eta iraunkorrenetako bati buruz hasitako hausnarketari: mildiua, ezagutza eguneratzeko, esperientziak partekatzeko eta defentsa-estrategia eraginkorragoetan eta iraunkorragoetan aurrera egiteko helburuarekin.
Josep Armengol nekazaritza-ingeniaritzako doktore eta Valentziako Unibertsitate Politeknikoko katedradunak ingurumen-faktoreetan eta mildiuaren kontrol-estrategietan sakondu zuen, eta Ana Díez-Navajas Neikerreko mahastizaintza-arloko ikertzaileak gaixotasunaren bilakaera, portaera eta tratamendu fitosanitarioen erabilera murrizteko detekzio goiztiarrak irekitzen dituen aukerak aztertu zituen. Enrico Peterlunger irakasleak, Udineko Unibertsitateko Mahastizaintzan katedraduna eta mahatsondoaren fisiologian, klima-aldaketara egokitzean eta mahastizaintzan jasangarritasunean nazioarteko erreferente den biologoak, mildiuaren aurkako defentsa ekoizpen-eredu orekatuago eta erresilienteagoen beharrarekin lotu zuen.
Mahai-inguruaren ondoren, programari amaiera emateko, Txakolingunean “Txakolina, euskal ardoa izen propioarekin” erakusketa bisitatu zen, txakolinak lurraldean duen pisu historiko eta kulturala testuinguruan kokatzeko.
9.00 Mahatsondoaren mildiua ulertzen. Ingurumen-faktoreak eta kontrol estrategiak
Josep Armengol. Nekazaritzako Ingeniari Doktorea eta Valentziako Unibertsitate Politikoko Katedraduna.
Fitopatologian espezializatua, Nekazaritza eta Basogintzako Ekosistemen Sailari atxikia. UPVko Mediterraneoko Nekazaritza eta Basogintza Institutuko Onddo Fitopatogenoen Ikerketa Taldeko ikertzaile arduraduna, espezialista da onddo fitopatogenoek eragindako gaixotasunen etiologia, epidemiologia eta kontrola aztertzen. Irakasle-lanaz gain, artikulu ugari argitaratu ditu eta bere espezializazio-arloko proiektu eta transferentzia teknologikoetan parte hartu du.
10.00 Mildiua eta bere gutiziak. Etorkizunak berririk al dakar?
Ana Díez-Navajas. Neikerreko Landare Ekoizpen eta Babes Saileko Mahastizaintza arloan Ikertzailea.
Biologia Zientzietan lizentziatua (1996) eta Zientzietan doktorea (2003) EHUn. Mahatsondoaren gaixotasun fungiko foliarren (mildiu, oidioa eta botritisa) detekzio goiztiarrari buruzko proiektuetan parte hartzen du, hainbat metodologiaren bidez, hala nola teknika molekular, mikroskopiko eta zitometrikoen bidez, dispertsioa saihesteko eta gaixotasunak eragiten dituzten mikroorganismoen presioa murrizteko, tratamendu fitokimikoen kopurua murrizteko asmoz. Europako, nazioko eta eskualdeko hainbat proiektutan parte hartu du, eta horietako batzuen buru izan da, hala nola LIFE FITOVID proiektuarena.
11.30 Sustainability in viticulture
Enrico Peterlunger, Udineko Unibertsitateko irakaslea. Biologoa.
Mahastizaintzako katedraduna Udineko Unibertsitatean, eta nazioarteko erreferentzia mahatsondoa eta enologia aztertzen. 160 argitalpen baino gehiagorekin, mahatsondoaren fisiologian, klima-aldaketara egokitzean, barietate-erresistentziari aplikatutako genetikan eta mahatsaren konposizioan oinarritu du bere ikerketa. Bere irakaskuntza- eta mentoretza-lanak, nazioarteko proiektuen koordinazioak eta upategiekiko lankidetzak, zorroztasun zientifikoa, berrikuntza eta mahastizaintza eta ardogintzaren sektorearekiko lotura sendoa uztartzen dituen funtsezko figura bihurtzen dute.
12.30 Mahai-ingurua “Esperientzia praktikoa eta akademia”
Josep Armengol (Valentziako Uni.) Ana Díez-Navajas (Neiker) , Enrico Peterlunger (Udine Uni.), Jose Domingo Txabarri (Txa-Txabarri Txakolina), Julen Frías (Doniene Gorrondona).
