Bizkaiko Txakolinaren Kontseilu Arautzaileak hainbat ekitaldi antolatzen ditu urtero Txakolina, bere kultura eta berezitasunak gizarte osoari hurbiltzeko. Izaera instituzionaleko ekitaldiak, hala nola Txakolin Eguna, Bizkaiko txakolinak musikarekin, zinemarekin, naturarekin, gastronomiarekin eta beste askorekin tartekatzen dira.
Mahasti Artean
Musika, kultura eta gastronomia mahasti artean
2026ean irailak 11, 12 eta 13
Mahasti Artean gastronomia, kultura eta natura uztartzen duen jaialdi gastro-kulturala da. Bizkaiko eskualde ezberdinetako mahasti paregabeetan, kalitatezko proposamen gastronomiko eta kulturalak eskaintzen dituen jaialdi jasangarria.
Gehiago jakin
Mendibile 2026ko inaugurazioa
Mendibile Jauregia Bizkaiko Txakolina Jatorrizko Deiturak, Bizkaiko Foru Aldundiak eta Leioako Udalak osatzen dute. Bizkaiko Txakolinaren, Leioako udalerriaren eta nekazaritzako elikagaien euskal sektorearen inguruko ehun sozioekonomikoa sustatzeko, garatzeko eta dinamizatzeko ekintzak egitea du helburu.
Hori lortzeko, txakolina sustatzeko hainbat ekintza egiten ditu, hala nola dastaketak eta bestelako ekitaldiak. Gainera, euskal gastronomia eta kultura maite dutenentzat topagune paregabea eskaintzen du.
Hona hemen egin dituzten jardueretako batzuk: Bizkaiko Txakolina ardatz duten dastaketak, Txakomik, Bizkaiko Txakolina & Musika, Branke jaia edo Kantari Kontari
Gehiago jakin
Txikiteroen Festa
62 urtez txikiteroen tradizioa ospatuz
Txikiteroen Festa, Bilboko Bihotzean urriaren 1etik 12ra ospatzen da.
Epi Jaunak (Epifanio Mezok, Santiago katedraleko parroko jaunak) egun hau, lehenengo aldiz, 1964ko urriaren 11n egin zuen, gizartea osatzen dugun talde desberdinen arteko integrazioa lortzeko ezinbestekoa eta herritarren arteko harremana lortzeko bereziki euskalduna den txikiteoaren ohitura mantentzen jakin duten gizon eta emakumeei omenaldia egiteko asmoz.
Gehiago jakin
Mahats Bilketaren Jaia
Balmaseda
2026: urriak 18
Pixkanaka mahatsak biltzeko lanak amaitzen ari dira, eta laster uzta berriaz gozatu ahalko dugu. Balmasedako Udala, Enkartur eta Bizkaiko Txakolina JD-ren eskutik Balmasedan urrian ospatzen den Mahats-bilketaren Jaia gure historian errotutako ardoaren omenaldia da.
Bizkaiko txakolina jatorrizko izendapeneko hainbat upeltegik parte hartuko dute. Botilak erosi edo ardoak kopaka dastatzeaz gain, gastronomia aukera ezberdinez gozatzeko eta dastaketa gidatuetan parte hartzeko aukera izango duzu. Musika, dantza, kultura eta gastronomiaz betetako eguna.
Gehiago jakin
Forum Laboral Kutxa
Mahastizaintzako eta ardogintzako jardunaldi profesionala
Forum Bizkaiko Txakolina Laboral Kutxa mahastizain, upategi, teknikari eta sektoreko eragileei zuzendutako jardunaldi teknikoa da. Bederatzi edizioren ondoren, sektorearen topagune gisa finkatu da. Bertan kuspegi tekniko, iraunkor eta etorkizunari aurre eginez, mahastiaren eta upategiaren ezagutza partekatu, ondorio erabilgarriak atera eta kudeaketan urrats zehatzak ematen dira.
Gehiago jakin
Bizkaiko Txakolina Fest Portugalete
Txakolinaren kulturaren berpizkundea
2026ean: Ekainak 6 eta 7
Portugalete Villa Jarrillera izenez ezagutzen da, mahastizaintza- eta ardogintza-tradizioa hari lotuta egon baita mende batzuk lehenago. Duela urte batzuk, herria mahastiz inguratuta zegoen, eta bertako tabernetan antzinako bizilagunen egarria baretzen zuten txakolin pitxer freskoak aurki genitzakeen.
Pitzer hau Portugaletera itzultzen da jaialdi enogastronomiko apartan eraldatuta: musikaz, jardueraz, gastronomiaz eta Bizkaiko Txakolinaz betetako pitzerra.
Gehiago jakin
Jatorri Deituradun ardoen Eguna
Mendibile Jauregia
2026: maitzak 9
Maiatzaren bigarren larunbatean ospatzen da urtero Jatorri Deituradun Ardoaren Eguna. Bertan, 30 jatorri-deitura baino gehiagok kalitatezko ardoari, mahastizaintza eta ardogintzaren kulturari eta horrek lurraldean duen eragin sozioekonomikoari balioa emateko jarduerak antolatzen dituzte.
JD Ardoaren Eguna gustukoen dugun moduan ospatzen dugu: kopa bat eskuan dugula gozatzen! 馃馃崌
Gehiago jakin
Txin Txin Fest
Bizkaira begira dagoen upeltegia, Bilboko erdigunean
2026ean maiatzak 16 eta 17
Jaialdi bat baino gehiago, Txin Txin Fest gure ekoizleei eta gure sustraiak babesteko eta gure nortasuna transmititzeko egiten duten ahaleginari egindako omenaldia da.
Bilbo eta Bizkaiko Txakolinaren arteko sinbiosia ospatzen duen ekitaldi gastronomiko-kulturala da, gastronomia, txakolina eta kultura uztartuz Bilboko Areatzan.
Gehiago jakin
Txakomic!
Txakolin zaporeko istorioak
2026ean: apirilak 17, 18 eta 19
Txakomic! komikia eta txakolina modu desberdinetan biltzen dituen proposamena da. Komikia, gastronomia eta txakolina modu berezian batzen dituzten ekintza paregabeak.
Gehiago jakin
Enoturismo Foroa
Jaurdunaldi profesioala
Bizkaiko Enoturismo Foroa topaketarako, hausnarketarako eta baterako lanerako gune gisa sortu zen, lurraldean enoturismoaren potentziala bultzatzeko. Jardunaldian zehar, turismo-sektoreko profesionalek, upeltegiek, erakundeek eta adituek esperientziak, joerak eta estrategiak partekatzen dituzte, ardoa bizitzeko eta komunikatzeko modua eraldatzen ari direnak.
Gehiago jakin
Bizkaiko Txakolina Saloia
Bizkaiko Txakolina Jatorri Deiturak topaketak antolatzen ditu upategietak eta euren ardoak ezagutu eta dastatzeko. Zatoz eta ezaguru gure upategietako nobedadeak!
Gehiago jakin
