Berez Galanta

Berez Galantak tradizioa eta abangoardia uztartzen ditu Galdakaoko Arteta auzoko muino baten gainean dagoen ingurune natural pribilegiatu batean. Itsas mailatik 259 metroko altitudean kokatua, upeltegiak 12 hektarea mahasti ditu eta horietatik Hondarribi Zuri barietate autoktonoak 6 hektarea hartzen ditu.

Iraunkortasunarekin eta ingurumenarekiko errespetuarekin konprometituta, ahalegin osoa egiten dute lurzoruak eta ingurune naturalak merezi duten zaintza eta errespetua bermatzeko. Mahastia teknika jasangarriekin lantzen da eta ardiek belar-sastrakak kentzen dituzte neguko kanpainan, mahastia ongarritzen duten bitartean. Berez Galanta txakolina lia finetan ondutako ardoa da, eta zahartzea sustatzen du.

Upeltegiak txoko eta jangela garden, zabal eta argitsu bat ditu, mahastiari begira.